वैजापूर । दीपक बरकसे
वैजापूर तालुक्यातील वळण शिवारात शुक्रवारी सायंकाळी एक धक्कादायक घटना घडली. घरासमोर खेळत असलेल्या तीन वर्षीय चिमुकलीवर बिबट्याने हल्ला करून तिचा जीव घेतला. ही घटना सायंकाळी सहा ते साडेसहा वाजेच्या दरम्यान घडली. (Leopard attack in Maharashtra)
मृत मुलीचे नाव ऋतुजा सचिन करडक (वय ३) असून, ती मूळची तांदूळवाडी (ता. गंगापूर) येथील रहिवासी होती. या घटनेने परिसरात हळहळ व्यक्त होत असून, वनविभागाच्या निष्काळजीपणावर नागरिकांनी संताप व्यक्त केला आहे. (Vaijapur news)
प्राथमिक माहितीनुसार, ऋतुजा आपल्या आईसोबत मामाच्या गावी म्हणजेच वळण येथे आली होती. शुक्रवारी सायंकाळी सहा वाजता ती घराबाहेर खेळत होती. याच वेळी अचानक बिबट्याने तिच्यावर झडप घातली. या हल्ल्यात चिमुकली गंभीर जखमी झाली. हल्ल्याची चाहूल लागताच नातेवाइकांनी तिला तातडीने वैजापूर येथील उपजिल्हा रुग्णालयात दाखल केले. मात्र, उपचारादरम्यान सायंकाळी साडेआठ वाजण्याच्या सुमारास डॉक्टरांनी तिला मृत घोषित केले. (child killed by leopar)
(ट्रेंडिंग बातमी – फुग्याने घेतला चिमुकलीचा जीव, मन सुन्न करणारी घटना… नेमकं काय घडलं?)
ऋतुजाच्या मृत्यूची बातमी समजताच नातेवाइकांनी रुग्णालयातच हंबरडा फोडला. त्यांचा आक्रोश ऐकून तिथे उपस्थित कर्मचाऱ्यांचेही डोळे पाणावले. ही करुण घटना पाहून परिसरातील प्रत्येकजण सुन्न झाला. मुलीच्या कुटुंबावर दुःखाचा डोंगर कोसळला असून, या घटनेने संपूर्ण गाव शोकसागरात बुडाले आहे. (leopard attack India)
घटनेची माहिती मिळताच वैजापूर पोलिस ठाण्याचे निरीक्षक श्यामसुंदर कौठाळे, गणेश पैठणकर, रणजीत चव्हाण यांच्यासह पोलिसांनी तातडीने उपजिल्हा रुग्णालय गाठले. त्यांनी घटनेची प्राथमिक माहिती गोळा केली आणि परिस्थितीचा आढावा घेतला. पोलिसांनी या प्रकरणाचा तपास सुरू केला असून, पुढील कारवाई सुरू आहे. (forest department negligence)
यापूर्वीही घडली होती अशीच घटना
विशेष म्हणजे, वळण परिसरात यापूर्वीही बिबट्याच्या हल्ल्याची घटना घडली होती. काही महिन्यांपूर्वीच वळणपासून काही किलोमीटर अंतरावर असलेल्या कविटखेडा शिवारात बिबट्याने एका चिमुकल्यावर हल्ला करून त्याचा बळी घेतला होता. त्या वेळी वनविभागाने बिबट्याला पकडण्यासाठी पिंजरे लावले होते. मात्र, बिबट्याला जेरबंद करण्यात वनविभागाला अपयश आले होते. त्यामुळे परिसरातील नागरिकांमध्ये भीतीचे वातावरण निर्माण झाले होते. (child safety in rural areas)
वनविभागाच्या नाकर्तेपणाचा बळी?
कविटखेडा येथील घटनेनंतरही वनविभागाने बिबट्याचा बंदोबस्त करण्यात कोणतीही ठोस कारवाई केली नाही. त्यामुळे पुन्हा एकदा अशीच दुर्दैवी घटना घडली. वनविभागाच्या या हलगर्जीपणामुळेच ऋतुजा या चिमुकलीचा बळी गेल्याचा आरोप स्थानिक नागरिकांनी केला आहे. वनविभागाच्या निष्काळजीपणावर प्रश्नचिन्ह उपस्थित करत नागरिकांनी तीव्र नाराजी व्यक्त केली आहे.
वळण आणि आजूबाजूच्या परिसरात बिबट्याचा वावर वाढल्याने नागरिकांमध्ये दहशतीचे वातावरण आहे. विशेषतः लहान मुलांच्या सुरक्षेची चिंता पालकांना सतावते आहे. घराबाहेर खेळणाऱ्या मुलांवर बिबट्याचा हल्ला होण्याची शक्यता पाहता, गावकरी सतर्क झाले आहेत. बिबट्याचा बंदोबस्त होईपर्यंत मुलांना घराबाहेर सोडण्यास पालक घाबरत आहेत.
या घटनेनंतर वनविभागाच्या कार्यपद्धतीवर टीकेची झोड उठली आहे. बिबट्याला पकडण्यासाठी पिंजरे लावले गेले, पण त्याचा काहीही उपयोग झाला नाही. वनविभागाच्या ढिसाळ कारभारामुळे निर्दोष जिवांना मृत्यूला सामोरे जावे लागत असल्याचा आरोप होत आहे. स्थानिकांनी वनविभागाच्या अधिकाऱ्यांना जाब विचारण्यास सुरुवात केली असून, यापुढे अशा घटना घडू नयेत यासाठी ठोस उपाययोजना करण्याची मागणी केली आहे.
वळण परिसरातील नागरिकांनी आता वनविभागाकडे बिबट्याचा तातडीने बंदोबस्त करण्याची मागणी केली आहे. “आमची लहान मुले सुरक्षित राहावीत, यासाठी वनविभागाने आता तरी जागे व्हावे,” अशी भावना गावकऱ्यांनी व्यक्त केली. बिबट्याला पकडण्यासाठी प्रभावी पावले उचलली गेली नाहीत, तर आंदोलनाचा इशारा नागरिकांनी दिला आहे.
या घटनेने प्रशासनालाही खडबडून जागे केले आहे. बिबट्याच्या वाढत्या हल्ल्यांमुळे परिसरातील जनजीवन विस्कळीत झाले आहे. वनविभाग आणि स्थानिक प्रशासनाने आता यावर काय कारवाई करणार, याकडे सर्वांचे लक्ष लागले आहे. नागरिकांच्या सुरक्षेसाठी तातडीने पावले उचलली जातील, अशी अपेक्षा व्यक्त होत आहे.
ऋतुजाच्या मृत्यूमुळे तांदूळवाडी आणि वळण या दोन्ही गावांमध्ये शोककळा पसरली आहे. एका चिमुकलीचा असा अकाली मृत्यू होणे ही अत्यंत वेदनादायी बाब आहे. तिच्या कुटुंबावर कोसळलेल्या या संकटात गावकरी आणि नातेवाइकांनी त्यांना आधार देण्याचा प्रयत्न केला. मात्र, या घटनेने सर्वांनाच हादरवून सोडले आहे.
वळण परिसरात बिबट्याचा वावर कायम राहिल्यास भविष्यात अशा घटना पुन्हा घडण्याची भीती आहे. वनविभागाने बिबट्याला पकडण्यासाठी तातडीने आणि प्रभावी कारवाई करणे गरजेचे आहे. अन्यथा, आणखी किती निष्पाप जिवांचा बळी जाणार, असा प्रश्न नागरिक उपस्थित करत आहेत.
