मराठी मनोरंजन सृष्टीतील ज्येष्ठ आणि बहुआयामी कलाकार विवेक लागू (Vivek Lagoo death news) यांचे आज निधन झाले आहे. १९ जून रोजी त्यांनी अखेरचा श्वास घेतला. त्यांच्या निधनाच्या बातमीने संपूर्ण मराठी आणि हिंदी कलाविश्वात शोककळा पसरली आहे.
विवेक लागू यांचे निधन कोणत्या कारणाने झाले याबाबत अधिकृत माहिती समोर आलेली नसली तरी, त्यांच्या जाण्याने एक अनुभवी आणि संयमी कलाकार हरपल्याची भावना सर्वत्र आहे. विवेक लागू यांच्या पार्थिवावर 20 जून, शुक्रवारी सकाळी 11 वाजता मुंबईतील अंधेरी येथील ओशिवरा स्मशानभूमीत अंत्यसंस्कार होणार आहेत. (Marathi actor Vivek Lagoo dies) त्यांच्या निधनाचे नेमके कारण अद्याप समोर आलेले नाही. मात्र, त्यांच्या चाहत्यांमध्ये आणि सहकाऱ्यांमध्ये शोकाची लाट पसरली आहे.
हे वाचलं का? – धक्कादायक! पतीने कोयत्याने वार करत पत्नीला संपवलं; रूममधील भिंतीवर उडाल्या रक्ताच्या चिळकांड्या, नेमकं काय घडलं?
विवेक लागू हे मराठीसह हिंदी मनोरंजन क्षेत्रातही सक्रिय होते. त्यांनी अनेक मालिका, चित्रपट आणि नाटकांमधून आपल्या अभिनयाची छाप पाडली. ‘गोदावरीने काय केले’ (2008), ‘अग्ली’ (2013), ‘व्हॉट अबाउट सावरकर’ (2015) आणि ‘31 दिवस’ (2018) यांसारख्या चित्रपटांमधील त्यांच्या भूमिका विशेष गाजल्या. याशिवाय ‘चार दिवस सासूचे’ आणि ‘हे मन बावरे’ या मालिकांना प्रेक्षकांनी भरभरून प्रेम दिले. (Marathi film industry mourning)
विवेक लागू (Veteran actor passed away) यांचे वैयक्तिक आयुष्यही चर्चेत राहिले. ते दिवंगत ज्येष्ठ अभिनेत्री रीमा लागू यांचे पती होते. 1978 मध्ये त्यांचा विवाह झाला, परंतु काही वर्षांनंतर मतभेदांमुळे दोघेही वेगळे झाले. तरीही, रीमा लागू यांच्या 2017 मधील निधनापर्यंत त्यांच्यात सौहार्दपूर्ण संबंध होते. या दाम्पत्याची कन्या मृण्मयी लागू वैकुल हिनेही मनोरंजन क्षेत्रात आपले स्थान निर्माण केले आहे. ‘थप्पड’ आणि ‘स्कूप’ या चित्रपटांचे लेखन तसेच ‘मुक्काम पोस्ट लंडन’ या चित्रपटातील तिच्या अभिनयाचे कौतुक झाले आहे.
हे वाचलं का? – लाचखोरीचा कळस! शेतजमिनीच्या कामासाठी मागितले 41 लाख, उपजिल्हाधिकाऱ्यासह लिपीक ACB च्या जाळ्यात
विवेक लागू (Vivek Lagoo biography) यांनी आपल्या शांत आणि संयमी स्वभावाने सर्वांचे मन जिंकले. त्यांच्या अभिनयातील सहजता आणि वैयक्तिक आयुष्यातील सौजन्यशीलपणा यामुळे ते नेहमीच स्मरणात राहतील. मराठी आणि हिंदी मनोरंजन विश्वातील त्यांचे योगदान अतुलनीय आहे. त्यांच्या निधनाने मराठी रंगभूमी आणि चित्रपटसृष्टीने एक अनमोल रत्न गमावले आहे. त्यांच्या स्मृतीला भावपूर्ण श्रद्धांजली! मराठी मनोरंजन विश्वातील त्यांचे कार्य पुढील पिढ्यांना प्रेरणा देत राहील. (Headlines Marathi)
Get the latest Marathi news, Maharashtra news, and updates from politics, election, sports, entertainment, health, agriculture, business, and religion – only on headlinesmarathi.com.
