महाराष्ट्राच्या कुस्ती क्षेत्राला हादरवून टाकणारी अत्यंत खळबळजनक बातमी समोर आली आहे. आपल्या जबरदस्त खेळाने आणि प्रतिकूल परिस्थितीतून मिळवलेल्या यशाने तमाम कुस्तीप्रेमींच्या गळ्यातील ताईत बनलेला, ‘महाराष्ट्र केसरी’ आणि आंतरराष्ट्रीय स्तरावरील कुस्तीपटू सिकंदर शेख याला पंजाब पोलिसांनी अटक केली आहे. (Sikandar Shaikh arrest)
अवैध शस्त्र तस्करीच्या (Arms Trafficking) एका अत्यंत गंभीर प्रकरणात सिकंदरचे नाव समोर आल्याने आणि या कारवाईतून त्याचे ‘पपला गुर्जर’ या कुख्यात टोळीशी असलेले कनेक्शन उघड झाल्याने केवळ महाराष्ट्रच नाही, तर संपूर्ण देशाच्या कुस्ती जगतात मोठी खळबळ उडाली आहे. एका गरीब कुटुंबातून आलेल्या आणि आपल्या मेहनतीने राष्ट्रीय स्तरावर नाव कमावलेल्या या मल्लावर इतका गंभीर आरोप सिद्ध होणे, हा कुस्तीच्या स्वच्छ प्रतिमेला लागलेला सर्वात मोठा डाग आहे, अशी प्रतिक्रिया क्रीडा विश्वात उमटत आहे. (Maharashtra Kesari wrestler)
हा संपूर्ण प्रकार पंजाबमधील मोहाली येथे उघडकीस आला. मोहाली पोलिसांच्या सीआयए (CIA) पथकाने आंतरराज्यीय शस्त्रपुरवठा करणाऱ्या एका मोठ्या टोळीचा पर्दाफाश करण्यासाठी अत्यंत धडाकेबाज कारवाई केली. गुप्त माहितीच्या आधारे पोलिसांनी सापळा रचून या टोळीतील चार प्रमुख सदस्यांना अटक केली आणि त्यांच्याकडून पाच अवैध बंदुका जप्त करण्यात यश मिळवले. (Punjab police news)
या अटक केलेल्या आरोपींमध्ये महाराष्ट्राचा अव्वल कुस्तीपटू सिकंदर शेख याचाही समावेश आहे. धक्कादायक बाब म्हणजे, ही टोळी केवळ शस्त्र तस्करीच नव्हे, तर खून आणि खंडणी (Extortion) यांसारख्या अत्यंत गंभीर गुन्ह्यांमध्येही सामील असल्याची माहिती पोलीस तपासातून समोर आली आहे. (arms trafficking case)
पोलिसांनी या आरोपींकडून एकूण चार ’32 बोर’ची पिस्तुल आणि एक ’45 बोर’ची पिस्तुल यांसह जिवंत काडतुसे (Live Cartridges), रोख रक्कम आणि दोन अलिशान गाड्या (Luxury Cars) जप्त केल्या आहेत. प्राथमिक तपासात, उत्तर प्रदेशातील रहिवासी असलेले दानवीर आणि बंटी हे दोन आरोपी मोहाली येथे सिकंदर शेख नावाच्या व्यक्तीला ही अवैध शस्त्रे पुरवण्यासाठी येत असल्याची माहिती पोलिसांना मिळाली होती. (Papla Gurjar gang)
याच माहितीच्या आधारे सीआयए पथकाने अतिशय गोपनीय पद्धतीने ‘ट्रॅप’ (Trap) लावला आणि शस्त्रांसह तिघांनाही रंगेहाथ पकडले. या तिघांची कसून चौकशी केली असता, ही शस्त्रे मोहालीच्या नवागाव येथील रहिवासी कृष्णकुमार ऊर्फ ‘हॅपी गुर्जर’ याला पुरवली जाणार होती, हे उघड झाले. पोलिसांनी तात्काळ हालचाल करत हॅपी गुर्जरलाही बेड्या ठोकल्या. (Sikandar Sheikh news)
सिकंदर शेखच्या या गुन्हेगारी टोळीतील भूमिकेमुळे अनेक प्रश्न निर्माण झाले आहेत. पोलिसांच्या म्हणण्यानुसार, सिकंदर शेख हा या टोळीसाठी एक ‘फ्रंट’ (Front) म्हणून काम करत होता. त्याची राष्ट्रीय स्तरावरची स्वच्छ प्रतिमा आणि ‘पैलवान’ म्हणून त्याला राज्यांतर्गत प्रवासात मिळणाऱ्या सुविधेचा गैरफायदा घेऊन ही टोळी शस्त्रांची खरेदी-विक्री (Distribution) करत होती. ‘मल्ल’ या नात्याने वेगवेगळ्या राज्यांमध्ये कुस्तीच्या निमित्ताने सहजपणे फिरता येते आणि या प्रवासावर फारसे लक्ष नसते, याचा फायदा घेत सिकंदरने अवैध धंद्यात स्वतःला गुंतवून घेतल्याचे दिसून येत आहे. अटकेच्या वेळी सिकंदर हा कुस्तीच्या सरावासाठी मुल्लानपूर गरिबदास (मोहाली) येथे राहत होता.
हे ही वाचा : “तो छातीला स्पर्श करत होता…”, भररस्त्यात महिला भडकली अन्… Video तुफान व्हायरल!
पोलिसांनी केलेल्या कारवाईनंतर सिकंदर शेखचे कनेक्शन पपला गुर्जर गँगशी असल्याचे उघड झाले आहे. ही टोळी हरियाणा, उत्तर प्रदेश आणि राजस्थान या राज्यांमध्ये कार्यरत असून, त्यांच्यावर हत्येचे, दरोड्याचे (Robbery) आणि शस्त्र कायद्याचे अनेक गंभीर गुन्हे दाखल आहेत. सिकंदर शेखला पंजाबमध्ये कुस्तीच्या माध्यमातून मोठे यश मिळाले होते, पण दुर्दैवाने त्याच भूमीत तो आता इतक्या मोठ्या गुन्हेगारी टोळीत सामील झाल्याच्या आरोपाखाली अडकला आहे. (Maharashtra sports controversy)
सोलापूर जिल्ह्यातील मोहोळ गावचा रहिवासी असलेला सिकंदर शेख हा कोल्हापूरच्या गंगावेश तालमीचा मल्ल आहे. त्याने आपल्या मेहनतीने आणि जिद्दीने कुस्तीच्या क्षेत्रात स्वतःची वेगळी ओळख निर्माण केली. ‘हमालाचा पोरगा ते कुस्तीच्या मैदानातील किंग’ अशी त्याची खास ओळख आहे. त्याच्या वडिलांनी हमाली करून त्याला या खेळासाठी मदत केली होती, त्यामुळे त्याच्या या संघर्षाची कहाणी अनेकांना प्रेरणा देणारी होती.
2022 मध्ये झालेल्या महाराष्ट्र केसरी स्पर्धेत पंचांच्या एका चुकीच्या निर्णयामुळे त्याला मानाची गदा मिळवता आली नव्हती, ज्यामुळे तो चांगलाच चर्चेत आला होता. मात्र, त्यानंतर त्याने हिंमत न हारता 2023 मध्ये झालेल्या महाराष्ट्र केसरी स्पर्धेत जबरदस्त कामगिरी करत मानाची ‘महाराष्ट्र केसरी’ गदा उंचावली आणि तमाम कुस्तीप्रेमींची मने जिंकली.
सिकंदरच्या या यशाची आणि संघर्षाची कहाणी आजवर आदर्श मानली जात होती. मात्र, अटकेच्या बातमीने महाराष्ट्रातील कुस्ती क्षेत्रात मोठी खळबळ उडाली आहे. अनेकजण या घटनेमुळे तीव्र नाराजी व्यक्त करत आहेत. दुसरीकडे, सिकंदरच्या कुटुंबियांनी मात्र हे सर्व आरोप पूर्णपणे फेटाळून लावले आहेत. सिंकदर पूर्णपणे निर्दोष असल्याचा दावा त्याच्या कुटुंबियांनी केला आहे आणि त्याला जाणूनबुजून या प्रकरणात अडकवले जात असल्याचे त्यांचे म्हणणे आहे. त्यांनी सिकंदरवरील कारवाई ही राजकीय किंवा वैयक्तिक वैमनस्यातून करण्यात आली असावी, अशी शक्यता व्यक्त केली आहे.
या संपूर्ण प्रकरणाचा पुढील तपास पंजाब पोलीस करत आहेत. ‘महाराष्ट्र केसरी’सारख्या प्रतिष्ठित खेळाडूचे नाव अशा गंभीर गुन्ह्यांमध्ये आल्याने, या प्रकरणाकडे संपूर्ण देशाचे लक्ष लागले आहे. सिकंदर शेखचा गुन्हेगारी टोळीशी नेमका संबंध काय होता, तो किती दिवसांपासून या कारवायांमध्ये सामील होता आणि त्याचे महाराष्ट्रातील अन्य कुस्तीपटूंशी किंवा व्यक्तींशी काही कनेक्शन आहे का, या सर्व बाबींचा कसून तपास पोलीस करत आहेत. या घटनेमुळे कुस्तीच्या खेळावर आणि खेळाडूंच्या प्रतिमेवर एक मोठे प्रश्नचिन्ह निर्माण झाले असून, येत्या काळात या प्रकरणातून कोणते नवीन खुलासे होतात, याकडे सगळ्यांचे लक्ष लागून राहिले आहे.
Get the latest Marathi news, Maharashtra news, and updates from politics, election, sports, entertainment, health, agriculture, business, and religion – only on headlinesmarathi.com.
