उत्तर प्रदेशातील प्रयागराज येथे सुरू असलेल्या महाकुंभ मेळ्यात मंगळवारी रात्री एक दुर्दैवी घटना (Mahakumbh tragedy) घडली. गर्दीचा ताण वाढल्याने बुधवारी पहाटे गंगेच्या घाटांवर अमृत स्नानासाठी जमलेल्या भाविकांमध्ये चेंगराचेंगरी झाली. या दुर्घटनेत अनेक भाविकांचा मृत्यू झाला असल्याची शक्यता वर्तवली जात आहे. (Mahakumbh news)
मौनी अमावस्या (Mouni Amavasya) निमित्त गंगेच्या विविध घाटांवर कोट्यवधी भाविक दर्शन व पवित्र स्नानासाठी जमले होते. संगमावर गर्दी टाळण्यासाठी प्रशासनाने विविध घाटांवर डायव्हर्जन केले होते. मात्र, अनेक भाविक संगमावरच स्नान करण्याचा आग्रह धरत होते. या दरम्यान, रात्री एकच्या सुमारास मोठी गर्दी जमली आणि नियंत्रणाबाहेर गेल्याने चेंगराचेंगरी झाली. (Prayagraj stampede)
प्राथमिक माहितीनुसार, या घटनेत अनेकजण जखमी झाले असून मृत्यूची संख्या अद्याप स्पष्ट झालेली नाही. जखमींना महाकुंभस्थित केंद्रीय रुग्णालयात उपचारासाठी हलविण्यात आले आहे. प्रत्यक्षदर्शींनी सांगितले की, गर्दी इतकी वाढली होती की लोक एकमेकांच्या अंगावर पडत होते. काही महिलांना श्वास घेण्यास अडचण झाली, तर अनेक भाविक बेशुद्ध पडले. (Ganga snan incident)
हे वाचलं का? – सिद्धिविनायक मंदिरात ड्रेसकोड लागू! अंगभर कपडे घालून आला तरच प्रवेश, न्यासचा नेमका निर्णय काय?
घटनेनंतर पंतप्रधान नरेंद्र मोदी यांनी उत्तर प्रदेशचे मुख्यमंत्री योगी आदित्यनाथ यांच्याशी संपर्क साधून परिस्थितीचा आढावा घेतला आहे. त्यांनी तातडीने मदत कार्य सुनिश्चित करण्याच्या सूचना दिल्या आहेत. (stampede during Mahakumbh)
हे वाचलं का? – अस्मानीसह सुलतानी संकट! तणनाशक फवारणीमुळं १०० एकरावरचा कांदा नष्ट, नाशिक जिल्ह्यातील प्रकार
चेंगराचेंगरीनंतर महाकुंभातील १३ आखाड्यांनी मौनी अमावस्येला अमृत स्नान न करण्याचा निर्णय घेतला आहे. प्रशासन व आखाड्यांची बैठक सुरू असून याबाबतचा अंतिम निर्णय लवकरच जाहीर होणार आहे. (crowd control issues)
कोट्यवधी भाविकांच्या उपस्थितीत महाकुंभसारख्या मोठ्या आयोजनात अशा प्रकारची घटना घडल्याने प्रशासनाच्या सुरक्षाव्यवस्थेवर प्रश्नचिन्ह उपस्थित झाले आहे. गर्दी नियंत्रणात आणण्यासाठी केलेल्या उपाययोजना अपुऱ्या ठरल्याचं या घटनेवरून दिसून येतं. (Mahakumbh fatalities)
स्नानासाठी जमलेल्या भाविकांमध्ये अजूनही घबराट आहे. प्रशासन परिस्थिती सामान्य करण्याचा प्रयत्न करत आहे. दरम्यान, जखमींवरील उपचार सुरू असून मृत्यूची अधिकृत संख्या लवकरच जाहीर होण्याची शक्यता आहे. ही दुर्घटना महाकुंभ मेळ्यातील भाविकांसाठी दुर्दैवी ठरली असून संपूर्ण देशातून या घटनेबद्दल हळहळ व्यक्त होत आहे.
प्रत्येक घडामोडीची ताजे अपडेट्स मिळवण्यासाठी आमच्या व्हॉट्सॲप ग्रुपला ॲड व्हा
