दिल्ली विधानसभा निवडणुकीसाठी मतदान प्रक्रिया पूर्ण झाली असून, आता मतमोजणीच्या निकालाकडे संपूर्ण देशाचे लक्ष लागले आहे. (Delhi Assembly Elections) देशाची राजधानी असलेल्या दिल्लीमध्ये अरविंद केजरीवाल यांच्या आम आदमी पक्षाने सत्ता टिकवली की भाजपने विजय मिळवला, हे पाहणे उत्सुकतेचे ठरणार आहे. मतदान झाल्यानंतर अनेक संस्था आणि तज्ज्ञांनी एक्झिट पोलद्वारे अंदाज वर्तवले आहेत, मात्र वेगवेगळ्या एक्झिट पोल्समध्ये संमिश्र चित्र दिसत आहे.
भाजपला संधी की आपची सत्ता कायम?
बहुतांश एक्झिट पोल्सनुसार भाजपला बहुमत मिळण्याची शक्यता व्यक्त करण्यात आली आहे. तब्बल २७ वर्षांनंतर भाजप दिल्लीत सत्ता स्थापन करेल, असा अंदाज काही पोल्सनी वर्तवला आहे. मात्र, फलौदीच्या सट्टाबाजाराने मात्र वेगळा अंदाज व्यक्त केला आहे, त्यामुळे ८ फेब्रुवारीला जाहीर होणाऱ्या निकालाबाबत सस्पेन्स कायम आहे. (Delhi Election Results 2025)
हे वाचलं का? – रात्रीच्या प्रवासातील ‘डेथ अवर्स’! अभ्यासातून धक्कादायक माहिती समोर
दिल्लीतील निवडणूक ही सरळसरळ आप आणि भाजप (AAP vs BJP) यांच्यातील काट्याची टक्कर असल्याचे स्पष्ट झाले आहे. सुरुवातीला फलौदी सट्टाबाजाराने आम आदमी पक्षाला ३७ ते ३९ जागांचा अंदाज वर्तवला होता. मात्र, कालच्या अंदाजानुसार हा आकडा ३५ ते ३७ जागांवर आला आहे. याचा फायदा भाजपला होत असल्याचे दिसत आहे. भाजपच्या जागा ३१ ते ३३ वरून ३३ ते ३५ वर गेल्या आहेत. म्हणजेच आपच्या दोन जागा कमी होत असून त्या भाजपच्या वाट्याला येण्याची शक्यता आहे. (Election Results Live)
दिल्लीतील बहुमताचा आकडा
दिल्ली विधानसभेतील एकूण जागा ७० असून, सरकार स्थापन करण्यासाठी ३६ जागांचे बहुमत आवश्यक आहे. त्यामुळे निवडणुकीचे अंतिम निकाल कुठे झुकतात, यावरच सत्ता कोणाची हे ठरणार आहे. सट्टाबाजाराच्या अंदाजानुसार आम आदमी पार्टी थोडक्यात विजयी होईल, असे दिसत आहे. मात्र, काही एक्झिट पोल्सनी भाजपला मोठ्या संख्येने जागा मिळणार असल्याचे भाकीत वर्तवले आहे. काँग्रेस मात्र या निवडणुकीत अत्यंत कमकुवत असल्याचे स्पष्ट झाले आहे.
हे वाचलं का? – धक्कादायक! अल्पवयीन मुलीवर अत्याचारासाठी १०० रुपयांची सुपारी, हत्येचा ही होता प्लॅन पण…; इंग्रजी शाळेतील खळबळजनक प्रकार
एक्झिट पोलचा अंदाज
मॅट्रीझ एक्झिट पोल
- भाजप: ३५ ते ४०
- आप: ३२ ते ३७
- काँग्रेस: ० ते १
चाणक्य एक्झिट पोल
- भाजप: ३९ ते ४४
- आप: २५ ते २८
- काँग्रेस: २ ते ३
पोल डायरी एक्झिट पोल
- भाजप: ४२ ते ५०
- आप: १८ ते २५
- काँग्रेस: ० ते २
पिपल्स पल्स एक्झिट पोल
- भाजप: ५१ ते ६०
- आप: १० ते १९
- काँग्रेस: ०
जेव्हीसी एक्झिट पोल
- भाजप: ३९ ते ४५
- आप: २२ ते ३१
- काँग्रेस: ० ते २
NDTV पोल्स ऑफ पोल्स
- भाजप: १८ ते २५
- आप: ४२ ते ५०
- काँग्रेस: ० ते २
एक्झिट पोल्सवर आम आदमी पक्षाची प्रतिक्रिया
एक्झिट पोलचे अंदाज आम आदमी पार्टीने फेटाळले आहेत. दिल्ली सरकारमधील मंत्री आणि आपचे नेते सौरभ भारद्वाज यांनी म्हटले की, आम्ही याआधीही तीन निवडणुका लढल्या आहेत आणि प्रत्येकवेळी एक्झिट पोलने आम्हाला कमी जागा मिळतील, असा अंदाज व्यक्त केला होता. मात्र, प्रत्यक्ष निकाल वेगळाच लागला. यावेळीही एक्झिट पोल चुकीचे ठरतील आणि आम आदमी पार्टी मोठ्या बहुमताने विजयी होईल, असा त्यांचा दावा आहे.
हे वाचलं का? – नाशिकमध्ये भीषण अपघात! खासगी बस दरीत कोसळली, ७ जण ठार
ग्रेटर कैलाश मतदारसंघातील आपचे उमेदवार असलेल्या भारद्वाज यांनी स्पष्ट केले की, एक्झिट पोलमधील आकडे अनेकदा सर्वसामान्य जनतेचे मत परावर्तीत करत नाहीत. मतदानाचा टक्का प्रत्यक्ष जास्त असतो आणि मतदार अनेकदा आपला खरा कौल गुप्त ठेवतो. त्यामुळे निकाल आमच्या बाजूनेच लागेल, असा त्यांनी दावा केला. (Political Analysis)
भाजपचा आत्मविश्वास
दुसरीकडे, भाजपनेही आपला विजय निश्चित असल्याचा दावा केला आहे. दिल्ली भाजपचे प्रदेशाध्यक्ष वीरेंद्र सचदेवा यांनी सांगितले की, दिल्लीत यावेळी भाजपचे डबल इंजन सरकार स्थापन होईल. दिल्लीत आम आदमी पार्टीची सत्ता संपुष्टात येणार असून भाजप सत्तेत येईल, असे त्यांनी ठामपणे म्हटले आहे.
‘आप’चा दिल्लीतील प्रवास
२०१३ साली आम आदमी पक्षाने पहिल्यांदाच दिल्ली विधानसभेत प्रवेश केला आणि चांगली कामगिरी करत अनेक जागा जिंकल्या. त्यानंतर २०१५ साली झालेल्या निवडणुकीत ‘आप’ने तब्बल ७० पैकी ६७ जागा जिंकत भाजप आणि काँग्रेसला मोठा धक्का दिला. २०२० सालीही आम आदमी पक्षाने विजय मिळवला. मात्र, आता भाजपने जोर लावत ही निवडणूक आपल्याकडे खेचण्याचा प्रयत्न केला आहे. (Vote Share)
प्रत्येक घडामोडीची ताजे अपडेट्स मिळवण्यासाठी आमच्या व्हॉट्सॲप ग्रुपला ॲड व्हा
अंतिम निकाल कोणाच्या बाजूने?
एक्झिट पोलचे अंदाज संमिश्र आहेत. काही पोल्स भाजपच्या विजयाचा अंदाज व्यक्त करत आहेत, तर काही पोल्समध्ये आप पुन्हा सत्तेत येईल असे दिसत आहे. सट्टाबाजार आणि काही विश्लेषकांनी दिल्लीत काट्याची लढत होईल असे भाकीत केले आहे. त्यामुळे ८ फेब्रुवारीला जाहीर होणाऱ्या निकालांकडे संपूर्ण देशाचे लक्ष लागले आहे. निवडणूक निकालांमध्ये मोठा उलटफेर होतो का, हे पाहणे आता महत्वाचे ठरणार आहे. भाजप दिल्ली जिंकते की ‘आप’ सत्ता टिकवते, हे लवकरच स्पष्ट होईल. (Poll Predictions)
