मुंबई महापालिका निवडणुकीच्या पार्श्वभूमीवर उद्धव ठाकरे (Uddhav Thackeray) आणि राज ठाकरे (Raj Thackeray) एकत्र येण्याच्या चर्चा ताज्या असतानाच, आता स्थानिक स्वराज्य संस्थांच्या निवडणुकीच्या तोंडावर शरद पवार (Sharad Pawar) आणि अजित पवार (Ajit Pawar) यांच्या गटांच्या एकीची चर्चा राजकीय वर्तुळात रंगू लागली आहे. राष्ट्रवादी काँग्रेस पक्षातील दोन्ही गट एकत्र येण्याबाबत पक्षांतर्गत चर्चा सुरू असल्याची माहिती समोर येत आहे. यामुळे राज्याच्या राजकारणात नवे वळण येण्याची शक्यता आहे.
आगामी स्थानिक स्वराज्य संस्थांच्या निवडणुकीसाठी सर्वच राजकीय पक्षांनी तयारी सुरू केली आहे. यामध्ये राष्ट्रवादी काँग्रेसच्या शरद पवार आणि अजित पवार गटांमधील जवळीक वाढण्याची शक्यता आहे. पक्षातील काही आमदारांनी अजित पवार यांच्याशी चर्चा करताना, दोन्ही गटांनी एकत्र येऊन निवडणूक लढवल्यास ग्रामीण भागात फायदा होऊ शकतो, असे मत व्यक्त केले आहे. एकत्र लढल्यास पक्षाची ताकद वाढेल आणि कार्यकर्त्यांमधील विभागणी टाळता येईल, अशी भूमिका काही नेत्यांनी मांडली आहे. (Uddhav Raj Thackeray alliance)
विलिनीकरणावर तटकरेंचे सूचक वक्तव्य (Sunil Tatkare statement NCP)
छत्रपती संभाजीनगर येथे नुकत्याच झालेल्या एका कार्यक्रमात राष्ट्रवादी काँग्रेस (अजित पवार गट) चे प्रदेशाध्यक्ष सुनील तटकरे यांनी विलिनीकरणाच्या चर्चांवर भाष्य केले. “सध्या विलिनीकरणाबाबत कोणतीही ठोस चर्चा नाही. मात्र, जर असा कोणता निर्णय घ्यायचा असेल, तर भाजप नेत्यांशी चर्चा करावी लागेल,” असे तटकरे यांनी स्पष्ट केले. त्यांच्या या वक्तव्यमुळे राजकीय वर्तुळात चर्चांना उधाण आले आहे. स्थानिक स्वराज्य संस्थांच्या निवडणुकीच्या पार्श्वभूमीवर ही चाचपणी अधिक गतीमान झाल्याचे दिसत आहे. (Sharad Pawar Ajit Pawar reunion)
हे वाचलं का? – नवे राजकीय समीकरण! माजी उपनगराध्यक्षासह अनेकांचा अजित पवार यांच्या राष्ट्रवादीत प्रवेश
स्थानिक स्वराज्य संस्थांच्या निवडणुकीत जर शरद पवार आणि अजित पवार यांचे गट स्वतंत्रपणे लढले, तर ग्रामीण भागात कार्यकर्त्यांची विभागणी होऊन दोन्ही गटांना नुकसान सोसावे लागू शकते, अशी भीती काही आमदारांनी व्यक्त केली आहे. ग्रामीण भागात राष्ट्रवादी काँग्रेसचा पाया मजबूत आहे. मात्र, दोन्ही गटांमधील अंतर्गत मतभेदांमुळे कार्यकर्त्यांमध्ये संभ्रम निर्माण होण्याची शक्यता आहे. यामुळे एकत्र येण्याचा पर्याय दोन्ही गटांसाठी फायदेशीर ठरू शकतो, असे मत पक्षातील काही नेत्यांनी मांडले आहे. (NCP faction merger news)
दरम्यान, अजित पवार यांनी शरद पवार यांच्यासोबत पुन्हा एकत्र येऊ नये, अशी ठाम भूमिका काही बड्या नेत्यांनी घेतल्याची माहिती आहे. पक्षातील अंतर्गत गटबाजी आणि नेत्यांमधील मतभेद यामुळे एकीकरणाचा मार्ग सोपा नसल्याचे दिसत आहे. तरीही, निवडणुकीच्या पार्श्वभूमीवर राजकीय रणनीती आखण्यासाठी दोन्ही गटांमध्ये चर्चा सुरू असल्याचे सूत्रांचे म्हणणे आहे. (Maharashtra local body elections 2025)
हे वाचलं का? – विधानभवनाच्या लॉबीमध्ये हाणामारी, आव्हाड-पडळकरांचे कार्यकर्ते भिडले; वाद नेमका काय? कशी झाली सुरुवात?
राजकीय समीकरणे बदलणार?
स्थानिक स्वराज्य संस्थांच्या निवडणुका राज्याच्या राजकारणात महत्त्वाच्या मानल्या जातात. या निवडणुकीत यश मिळवण्यासाठी सर्वच पक्ष जोरदार तयारी करत आहेत. जर शरद पवार आणि अजित पवार यांचे गट एकत्र आले, तर त्याचा परिणाम इतर पक्षांच्या रणनीतीवरही होऊ शकतो. विशेषतः ग्रामीण भागात राष्ट्रवादी काँग्रेसची ताकद वाढण्याची शक्यता आहे. मात्र, ही एकी प्रत्यक्षात येणार की चर्चेतच राहणार, हे पाहणे औत्सुक्याचे ठरणार आहे. (NCP unity before BMC polls)
सध्या दोन्ही गटांमधील चर्चा प्राथमिक टप्प्यात आहे. पक्षातील नेते आणि कार्यकर्त्यांशी संवाद साधून याबाबत अंतिम निर्णय घेतला जाण्याची शक्यता आहे. स्थानिक स्वराज्य संस्थांच्या निवडणुकीपूर्वी पवार काका-पुतण्याची एकी होणार का, याकडे संपूर्ण राज्याचे लक्ष लागले आहे. या घडामोडीमुळे महाराष्ट्राच्या राजकारणात आगामी काळात नवे समीकरणं दिसू शकता. (Maharashtra politics latest news)
Get the latest Marathi news, Maharashtra news, and updates from politics, election, sports, entertainment, health, agriculture, business, and religion – only on headlinesmarathi.com.
